Steinum vellt

                                

 Í áramótakveðju Steingríms J. Sigfússonar til félagsmanna í Vinstri grænum segir Steingrímur “ Því fylgir mikil ábyrgð að velta steinum í götu.“ Og á þarna við að Lilja Mósesdóttir – Ásmundur Daðason og Atli Gíslason, eigi ekki lengur heima í þingflokki Vinstri grænna, og jafn vel ekki Ögmundur og Jón Bjarnason. Þetta er ekki hægt að skilja nema á þennan veg. Það er greinilega bannað að hafa aðrar skoðanir í opna lýðræðislega flokknum en formaðurinn. Þetta minnir mann á Hitler á stríðsárunum. En oft ratast kjöftugum satt á munn. Það er freistandi að yfirfæra þetta gamla máltæki, “að velta steini í götu einhvers” á Steingrím J. Sigfússon. Enginn stjórnmálamaður hefur gengið jafn langt í að leggja steina í götu heillar þjóðar og Steingrímur J. Sigfússon, hann hefur burðast við að velta Icsafe steinunum, fyrir þjóðina, mis þungum. Sumum svo þungum að þjóðin hefði orðið gjaldþrota ef honum hefði tekist ætlunarverkið. Steingrímur hefur sömuleiðis velt steinum í götu þeirra sem hafa reynt að byggja upp atvinnulífið, má þar nefna gagnaverin, sem nú er reyndar búið að troða niður í kokið á honum, álverin á Bakka og í Helguvík.                             Niðurrif í sjávarútvegi í boði V.G.  Þá hefur niðurrifsstefna Vinstri grænna gegn Íslenskum sjávarútvegi verið með þeim hætti að segja má að hann hafi velt heilu björgunum ofan á þá sem sjóinn stunda.Aldrei í sögunni hefur verið tekið minna tillit til sjómanna og hinna dreifðu byggða landsins sem sækja björg í bú. Og áfram heldur Steingrímur að velta steinum í götu fólks, og nú almennings. Laun lækka, atvinnuleysi eykst, vöruverð hækkar, biðlistar eftir mat og aðgerðum á sjúkrahúsum lengjast. Það er reyndar tvennt sem skýrir það að Steingrímur Joð lætur ekki af völdum, eins og allir aðrir hefðu gert í hans sporum. Sjálfur sagði Steingrímur um árið að þeir sem þyrftu að læðast inn bakdyramegin inn í þinghúsið ættu að segja af sér, en það varð Steingrímur að þola með spælt egg á skallanum. En það er að Steingrími er ljóst að um leið og hann er orðin í minnihluta verður hann dreginn fyrir Landsdóm fyrir Icsafe málið. Þar kemur honum í koll hinn litli manndómsbragur sem hann sýndi Geir Haarde, að kenna honum einum um fallið. Dramb er falli næst Steingrímur. Svo er það hitt. Allstaðar í Kommúnistaríkjum er rekin svona stefna eins og Steingrímur viðhefur, að velta steinum í götu almennings og halda þeim þjóðum, sem þeir stjórna í fátæktarmörkum, og útbýta svo matarskömmtum, hafa þegnana undir hælnum, og bregðast illa við ef einhver er á annarri skoðun en Herrann sjálfur. Þetta er reyndar opinbert hérna talsmaður Steingríms J. Björn Valur Gíslason hefur fellt grímuna fyrir foringjann. Þetta ástand er farið að minna óþyrmilega á ástandi í Norður Kóreu. Foringjaræðið og kúgun almennings. Mér er kunnugt að verið er að stofna stjórnmálaafl til hægri, ég skora á Útlagana í Vinstri grænum að stofna nýjan flokk til vinstri. Gleðilegt ár nær og fjær. Vonandi færir nýtt ár okkur nýja stjórn.                                                                   Ómar Sigurðsson.