Við vorum plötuð.

Það er merkilegt hvað við mannfólkið, erum ófullkomin, og auðplötuð. Það er greinilegt að við erum ekki komin langt á þroskabrautinni. Við föllum fyrir allskonar vitleysu, og látum hina margvígslegustu hluti taka af okkur völdin. Fólk fellur fyrir brennivíni, vímuefnum af ýmsum toga og jafnvel látum óvandaða stjórnmálamenn teyma okkur á asnaeyrunum.  Það er dagljóst að þeir stjórnmálaflokkar sem sitja á alþingi, eru ekki að vinna að hagsmunum fólksins.  Við erum svo óþroskuð að við látum foringja þessara flokka leiða okkur út í kviksyndið, og jafnvel lofum við þá í hástert, þó við séum að sökkva. Þetta er auðvitað heilaþvottur, og merkilegt hvað þessum lítt geðþekku stjórnmálamönnum verður ágengt . Ég á til dæmis góðan vin sem er ákveðin að fylgja Samspillingunni þar til hann gefur upp öndina, jafnvel þó núverandi stjórn hafi gert hann að ölmusumanni. Þetta eru hlekkir sálarinnar sem stjórnmálamönnum er einkar lagið að leggja á fólk. Ég er ekkert öðruvísi en þú, ég var  líka plataður. Það er nefnilega þannig að þegar maður skoðar hlutina, þá eru stjórnmálin  bara Morfískeppni. Sá sem er öflugasti ræðumaðurinn vinnur, þó ekkert sé að marka það sem hann segir. Ef við skoðum það sem næst okkur er í tíma þá er mjög athyglisvert að skoða ummæli Steingríms Joð, fyrir búsáhaldabyltinguna, og fyrir síðustu kosningar. Ég fékk alveg merkilega niðurstöðu. Hann hefur ekki staðið við eitt einasta af stóru málunum sem hann lofaði. Ekki eitt einasta. Afnema kvótann, ekki sækja um aðild að E.S.B. Ekki að borga Icsafe, bæta kjör eldriborgara og aldraðra, reisa skjaldborg um heimilin, og svo mætti lengi telja. Niðurstaðan er að hann hefur ekki staðið við eitt einasta af þessum málum, heldur þvert á móti.

                           Steingrímur hefur svikið öll kosningaloforðin.

Steingrímur Joð hefur hinsvegar unnið nokkrar Morfískeppnir, hefur sett upp glottið og sagt “ Sjáðu hvernig ég tók hann.” Skyldu  kjósendur að halda tryggð við þennan svikahrapp?   Það væri í besta falli heimska.  Ögmundur vill að allir fari að prjóna lopapeysur, maðurinn sem komst á Alþingi fyrir stöðu sína, innan hinnar spilltu verkalýðshreyfingar. Ögmundur talar og talar eins og Steingrímur Joð, en ekkert liggur eftir þá félaga. Jóhanna stendur að vísu betur enda vinnur hún enga Morfískeppni með að staulast í gegn um ræðurnar sem Hrannar B. Arnarsson skrifar fyrir hana. Hún er komin með okkur inn um dyragættina á E.S.B. eins og hún lofaði, með Steingrím Joð undir hendinni. En þar er líka upptalin þau kosningaloforð sem hún hefur staðið við. Hinir flokkarnir eru ekkert betri, Siv Friðleifsdóttir var jafn næstum jafn slæmur heilbrigðisráðherra og Álfheiður, sem er mesti hrokagikkur sem hefur gegn ráðherradómi. Um hina flokkana ræði ég síðar. Það er komið nóg af ruglinu, það er búið að gera aldraða og öryrkja að ölmusufólki, og venjulegt fjölskyldufólk að bónbjargarfólki. Við verðum að knýja fram kosningar, kannski er Auður og hinar duglegu konurnar á tunnunum, með í að taka völdin, af þessari duglausu ríkisstjórn, kannski Lilja Mósesdóttir, þú mátt gjarnan vera með, ef þú ert ekki að dröslast áfram með það sem hefur síast inn í Morfískeppninni, og kastar af þér hlekkjum sálarinnar.                                                                           Ómar Sigurðsson.